Hidrogenoari buruzko ezagutza-gela

Project description

H2aren teknologia jasangarriei buruzko ezagutza-gela sortzea da proiektu honen helburu estrategikoa, prestakuntza, ikerketa, transferentzia zein sentsibilizazioaren arloetako erreferentea izan dadin, Hidrogenoaren Euskal Korridorean (BH2C, Basque Hydrogen Corridor) sortutako beharrei eta bertan inplikatuta dagoen industria-sarearen eskariari erantzuna emateaz gain.

Horrez gain, gelak helburu sozio-ekonomikoak ditu (adibidez, H2aren teknologia jasangarrietan oinarritutako industria-sare berri bat sortzen laguntzea), baita prestakuntza arlokoak (hidrogenoaren teknologietan trebatutako teknikariak kualifikatzea LHan, unibertsitatean, ikerketa-eremuan zein enpresako profesionalen artean), ikerketa arlokoak (hidrogenoaren eta honi lotutako teknologien arloko ezagutza teknologikoa sortu, koordinatu eta transferitzeko nodo bultzatzailetzat jardun dezan) eta sentsibilizazio arlokoak ere (hidrogenoaren erabilerarekin lotutako teknologiak eta zerbitzuak erabiltzeari dagozkion alderdi garrantzitsuenen inguruko informazioa eta ezagutza eskaintzea, kasu).

Impacto medioambiental

1.H2aren teknologia jasangarrietan oinarritutako industria-sare berri bat sortzen laguntzea, industriari, mugikortasunari zein hiri/bizitegi arloari dagokien balio-kate osoa barne hartuz, sorkuntzatik amaierako aplikazioetaraino.

2.H2aren erabilera sustatzea eta horretaz sentsibilizatzea industria-sektoreetan, mugikortasunean eta hiri-inguruneetan, foroak, dibulgazio-kanpainak eta hidrogenoaren erabilerari buruzko jardunbide egokiak trukatzeko harreman-bideak bultzatuz.

3.Energia fotovoltaikoan, eolikoan, hidraulikoan eta bestelako energia garbietan oinarrituta H2a sortzeko ekosistema bat garatzen laguntzea, ekoizpen-prozesuetan eta mugikortasunean isurpenak deskarbonizatzeko asmoz.